Монгол Улсын Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай хууль, Засгийн газрын “Иргэдийн өргөдөл, гомдлыг шийдвэрлэхтэй холбогдсон зарим арга хэмжээний тухай” 2005 оны 67 дугаар тогтоолын дагуу сумын Засаг дарга, ЗДТГазар, төсвийн байгууллагуудаас 2025 оны 1-р улирлын байдлаар иргэдээс төрийн байгууллага, албан тушаалтанд гаргасан өргөдөл гомдлыг шийдвэрлэсэн байдлын талаар ирүүлсэн дүн мэдээг нэгтгэн танилцуулж байна. 1-р улирлын байдлаар сумын хэмжээнд иргэдээс төрийн байгууллага, албан тушаалтнуудад хандаж нийт 188 өргөдөл ирүүлсэн. Сумын ЗДТГазарт өргөдөл 183 буюу 97.3 хувь, сургууль 4 буюу 2.1хувь, Цэцэрлэг 1 буюу 0.5 хувийг тус тус эзэлж байгаагаас ирүүлсэн хэлбэрийн хувьд авч үзвэл бичгээр 127 буюу 67.5 хувь, утсаар 33 буюу 17.5 хувь, цахимаар 28 буюу 14.8 хувь байна. Төрийн байгууллага, албан тушаалтнуудад байгууллага, аж ахуйн нэгж, иргэдээс ирүүлсэн нийт 188 өргөдлийн 179 буюу 95.2 хувийг хуулийн хугацаанд шийдвэрлэж, 9 буюу 4.7 хувийг шийдвэрлэх хугацаа болоогүй байна, шийдвэрлэх хугацаа болоогүй өргөдлүүд гар худаг засварлах, цооног гаргах, малжуулахтай холбоотой байна.
